Qyzylorda oblysynyń ákimi bir kúnde 13 aýyldyń turǵyndarymen kezdesti
Aıdarly aýyly - Syrdarııa aýdanyndaǵy shalǵaı jatqan eldi mekenniń biri. Aýylda birqatar problema bar. Emhana eskirgen. Balabaqsha baratyn sábıler sany kóbeıýine baılanysty qosymsha eki top ashý qajettiligi týyndap otyr. Turǵyndarmen júzdesý barysynda oblys basshysy emhanany jańartýǵa nazar aýdarylatynyn jetkizdi.
Odan keıin oblys ákimi aýdanǵa qarasty Jetikól, Amankeldi, Qoǵalykól, Shirkeıli aýyldarynda boldy. Besaryq aýyldyq okrýgindegi «Abaı Dáýlet» JShS jumysymen tanysty. Turǵyndarmen kezdesý barysynda aımaq bashysy aýylda kásibin júrgizip, eldi eńbekpen qamtyp, aýyldy kórkeıtýge atsalysyp otyrǵan sharýashylyq ıelerine rızashylyǵyn bildirdi.
Oblystyq jolaýshylar kóligi jáne avtomobıl joldary basqarmasynyń basshysy Erjan Ábdiqalyqovtyń aıtýynsha, oblystyq bıýdjetten bólingen 215 mln teńgege Besaryq aýylyna kireberis joldy jóndeý bıylǵy qyrkúıek-qazan aılarynda tolyǵymen aıaqtalady dep josparlanyp otyr. Respýblıkalyq bıýdjetten áýejaıdan bastap Qoǵalykól men Shirkeıli aýyldaryna deıingi joldy jóndeýge 380 mln teńge bólingen.
Aımaq basshysy Shaǵan, Іńkárdarııa, Aqjarma, Qaljan ahýn, S.Seıfýllın, A.Toqmaǵambetov aýyldyq okrýgteriniń de turǵyndarmen kezdesti.