Qyzylorda oblysynyń agrarlyq sala ókilderi agrobızneske jasalǵan qoldaý sharalary úshin QR Prezıdentine alǵys aıtty
ASTANA. QazAqparat - Qyzylorda oblysynyń agrarlyq sala ókilderi Memleket basshysy Nursultan Nazarbaevtyń atyna agrobızneske jasalǵan qoldaý sharalary úshin alǵys aıtyp, hat joldady, dep habarlady Aqordanyń baspasóz qyzmeti.
Avtorlar óz hatynda agrobızneske jasalǵan qoldaý sharalarynyń arqasynda eldiń agroónerkásip kesheni qarqyndy damyp kele jatqany úshin Memleket basshysyna alǵys aıtqan. Osyndaı qoldaý nátıjesinde kúrish óndirisiniń kólemi men mal basy aıtarlyqtaı ósken. Sondaı-aq sońǵy eki jylda aýyl sharýashylyǵy sektoryna salynǵan ınvestıtsııa kólemi 7,7 esege ulǵaıǵan.
Agrarlyqtar kúrish orý naýqany taıaýda aıaqtalǵanyn, onyń barysynda 84 myń gektar alqaptyń ár gektarynan 50,5 tsentnerden ónim alynǵanyn atap ótken.
«El qambasyna 423 myń tonna kúrish quıyldy. Táýelsizdik tarıhyndaǵy osy rekordtyq kórsetkishke sońǵy úsh jyl boıy qol jetkizilip keledi, - delingen hatta.
Sońynda avtorlar Memleket basshysynyń bastamalaryn júzege asyrý isine belsene qatysýǵa jáne eldi odan ári damytý úshin bar kúsh-jigerlerin jumyldyrýǵa ázir ekenin aıtqan.
