Qyzylorda oblysynyń 2025 jylǵa deıingi damý josparynyń jańartylǵan jobasy jasaldy
Bul týraly búgin óńirlik kommýnıkatsııalar qyzmetinde ótken brıfıngte oblystyq ekonomıka jáne bıýdjetti josparlaý basqarmasynyń basshysy Nurǵalı Qordabaı málimdedi.
Bıylǵy jyldyń basynan beri «Bıznestiń jol kartasy-2025» boıynsha jalpy nesıe somasy 15,6 mlrd. teńgege 1130 joba sýbsıdııalandy.
Nesıe somasy 4,8 mlrd teńgege baǵalanǵan 788 joba boıynsha kepildik berildi.
«Aıta keterligi, «Eńbek» baǵdarlamasy sheńberinde mıkrokredıtter berý úshin respýblıkalyq bıýdjetten 3,76 mlrd teńge qaralǵan edi. Onyń ishinde búginde 1,9 mlrd teńge somasyndaǵy 450 joba nesıelendirildi. «Jumyspen qamtý jol kartasy» baǵdarlamasy aıasynda shaǵyn nesıeleýge 1 mlrd. teńge bólindi. «Qarapaıym zattar ekonomıkasy» baǵdarlamasy sheńberinde oblysta quny 9,7 mlrd teńgeni quraıtyn 120 jobaǵa ótinim maquldandy. Bıyl quny 1,7 mlrd teńge turatyn 14 joba maquldanyp, onyń 9 jobasy búginde qarjy ınstıtýttarymen qarastyrylýda. Osy jumystardyń nátıjesinde Jalpy Óńirlik ónimdegi shaǵyn jáne orta bıznestiń úlesin aǵymdaǵy jyly 18,5%-ǵa deıin jetkizý josparlanýda», - dedi oblystyq ekonomıka jáne bıýdjetti josparlaý basqarmasynyń basshysy Nurǵalı Qordabaı.
Osyǵan oraı, 2025 jylǵa deıingi damý josparyna sáıkes Qyzylorda oblysynyń ákimdigi oblysty damytýdyń 2021-2025 jyldarǵa arnalǵan baǵdarlamasynyń jobasyn ázirledi.
Jańartylǵan damý jospary 3 baǵyt boıynsha ıaǵnı azamattardyń ál-aýqaty, ınstıtýttardyń sapasy, myqty ekonomıka jáne 6 basymdyqtan turady.
Eske salsaq, Qyzylordada geologııalyq barlaý jumystary júrip jatyr.
