Qyzylorda oblysynyń 2016-2020 jyldarǵa arnalǵan Agrokartasy bekitildi
QYZYLORDA. QazAqparat - Óńirdiń agroónimderi suranystaryn anyqtaý, oblystyń aýyl sharýashylyǵy óndirisiniń básekege qabilettiligin baǵalaý jáne 2017-2020 jyldarǵa arnalǵan Agrobıznesti damytý baǵytynda keshendi jumystardy naqtylaý úshin oblystyń Agrokartasy ázirlendi.
Bul týraly QazAqparat HAA tilshisi oblystyq aýyl sharýashylyǵy basqarmasyna silteme jasap habarlady.
Berilgen tehnıkalyq talaptarǵa sáıkes ázirlengen Qyzylorda oblysynyń 2016-2020 jyldarǵa arnalǵan Agrokartasy tómendegi bólimdermen qamtyldy.
- Qyzylorda oblysynyń negizgi ónimine Qazaqstandaǵy jáne sheteldegi aýylsharýashylyq ónimderiniń naryqtaryndaǵy suranysty, aýyl sharýashylyǵy ónimderine qoıylatyn negizgi talaptar;
- Aýyl sharýashylyq ónimin óndirýshilerdiń jáne maqsatty naryqtardaǵy olardyń aýyl sharýashylyǵy ónimderiniń básekege qabilettiligine sholý jasaý, syrtqy naryqtarda turaqty jáne joǵary suranysqa ıe ónim boıynsha eksportqa daıarlyǵyn baǵalaý;
- AÓK sýbektilerin biriktirý arqyly óndiristi irilendirý, negizgi agroóndiristik qýatty ornalastyrýǵa qoıylatyn negizgi talaptardy taldaı otyryp, mal sharýashylyǵy, ósimdik sharýashylyǵy jáne balyq sharýashylyǵyndaǵy ońtaıly tehnologııalardy tańdaý;
- Qyzylorda oblysynda AÓK mańyzdy sektorlaryna qajetti kooperatsııalyq shıkizat beldeýlerimen aýylsharýashylyq qaıta óńdeý óndirisin jáne servıstik-daıyndaý ortalyqtaryn qurý jospary;
- Qyzylorda oblysyndaǵy AÓK sýbektilerin naryqtyq biriktirý jáne agrologıstıkany uıymdastyrý jospary;
- Qyzylorda oblysynda AÓK memlekettik qoldaýdyń qajetti sharalarynyń boljamdy bıýdjeti, mehanızmi jáne jospary;
- Qyzylorda oblysynyń AÓK sýbektileriniń qarjylandyrý múmkindigin alý mehanızmi, jospary jáne Agrokartany júzege asyrýǵa qajetti ınvestıtsııalyq qajettilikterdiń boljamy.
Ázirlengen Agrokarta oblystyń aýylsharýashylyq taýarlaryn óndirýshilerdiń qatysýymen «Qyzylorda oblystyq óńirlik kásipkerler palatasynda» talqylanyp, qosymsha usynystarmen tolyqtyryldy.
