Qyzylorda oblysyndaǵy «Qonys» ken ornynda bir jumysshy qaza tapty
QYZYLORDA. 4 maýsym. QazAqparat - Qyzylorda oblysyndaǵy «Sıbý Qyzylorda» JShS ınjenerlik burǵylaý kompanııasynyń «Qonys» ken ornynda bir jumysshy óndiristik jaǵdaıda qazaǵa ushyrady. Bul týraly oblystyq tótenshe jaǵdaılar departamenti baspasóz qyzmeti habarlady.
Oqıǵa 1 maýsym kúni 02 saǵat 40 mınýtta oryn alǵan.
«Qonys» ken ornyndaǵy K-569 uńǵymasynda uńǵyma shahtasynan sorǵyny kóterý jumystary kezinde burǵylaý uńǵymasynyń jumysshysy 1991 jyly týǵan J. Shahamanov aýyr jaraqat alyp, aýrýhanaǵa bara jatqan jolda qaıtys boldy», - delingen habarlamada.
