Qyzylorda oblysyndaǵy barlyq oqý oryndary «Ashyq» jobasyna qosyldy
Óńirde mektep jasyndaǵy balalar arasynda koronavırýs ınfektsııasymen syrqattanýdyń 1132 jaǵdaıy tirkelse, stýdentter arasynda 47 jaǵdaı anyqtalǵan.
«Sondyqtan jańa oqý jylynda sanıtarlyq talaptardyń saqtalýy mańyzdy. Epıdemıologııalyq jaǵdaıǵa baılanysty bıyl mektepterde oqý protsesi kúsheıtilgen medıtsınalyq baqylaýdy saqtaı otyryp uıymdastyrylady. Koronavırýs ınfektsııasynyń taralýyn boldyrmaý úshin birqatar sharalar qabyldandy. Máselen, oblystyń barlyq oqý oryndary «Ashyq» jobasyna qosyldy, muǵalimder vaktsına alýda, mektepter qorǵanysh quraldarymen jabdyqtalǵan. Bilim berý nysandarynda pedagogtar, personal jáne bilim alýshylar kúndelikti «kirý» súzgisimen qamtamasyz etiledi», - dedi oblystyq sanıtarııalyq-epıdemıologııalyq baqylaý departamentiniń basshysy Dınara Jańabergenova.
Oqý maýsymynda orta bilim berý uıymdarynyń, kolledjderdiń jáne joǵary oqý oryndarynyń, ınternattardyń jáne jataqhanalardyń jumysyna qoıylǵan talaptardyń oryndalýy qadaǵalanady. Bul talaptar oblystyq sanıtarııalyq-epıdemıologııalyq baqylaý departamentiniń qatań baqylaýynda bolady.