Qyzylorda oblysyndaǵy aýylda popkorndar shyǵarylady
QAZALY. QazAqparat - Qazaly aýdanyna qarasty Birlik aýylynda «Tompı» popkorndary óńdelýde, dep habarlaıdy QazAqparat tilshisi.
2016 jyly azyq-túlik dúkenin ashyp, tabys taba bastaǵan kásipker Gúlsaıa Bókeıbaıqyzy jaqynda jeke qarajaty esebinen popkorn daıyndaıtyn arnaıy qajetti qural-jabdyqtardy alǵan.
«100 paıyz tabıǵı shıkizattan jasalǵan, densaýlyqqa paıdaly balalarǵa arnalǵan tátti popkorndardy óz aýylymda - Birlikte óndiremin. Ónim úsh túrde shyǵarylatyn bolady: «Karamel», «Shokolod», «Mıks». Qazirgi tańda «Karamel» túrin ǵana shyǵaryp jatyrmyn. Popkornǵa «Tompı» dep qazaqsha ataý berdik. Sebebi, popkornymyz da balalar sekildi tompıǵan, ádemi», - deıdi kásipker.
Gúlsaıa ónimderin aýdan kólemindegi azyq-túlik dúkenderine ótkizýde. Suranys joǵary. Aldaǵy ýaqytta memlekettik qoldaýǵa ıe bolyp, nesıe alýdy josparlap otyr.
