Qyzylorda oblysyndaǵy aýyl mektebiniń bý qazandyǵy jaryldy
QAZALY AÝDANY. QazAqparat - Qyzylorda oblysy Qazaly aýdanyna qarasty Tasaryq aýylyndaǵy mekteptiń bý qazandyǵy jaryldy, dep habarlaıdy QazAqparat tilshisi.
Oqıǵa búgin tańǵy 6:00 shamasynda aýyldaǵy №238 mekteptiń bý qazandyǵynda boldy. Apattyq jaǵdaıdan eshkim zardap shekpegen.
«Oqıǵa ornyna aýdan ákimi Muhtar Orazbaev pen orynbasarlary, aýdandyq bilim bólimi men tótenshe jaǵdaılar bóliminiń basshylary arnaıy keldi. Jaǵdaıdy qatań baqylaýǵa aldy. Qazirgi tańda apattyq jaǵdaı oryn alǵan jerde arnaıy qurylǵan jumysshy top zerdeleý jumystaryn júrgizýde. Apattyń shyǵý sebepterin anyqtaýda. Oqýshylardyń úzdiksiz bilim alýy úshin mekteptiń bý qazandyǵy tez arada qalypqa keltiriledi», - dedi Qazaly aýdany ákimdiginen.
