Qyzylorda oblysyndaǵy apat: úsh adam mert bolyp, beseýi zardap shekti
NUR-SULTAN. QazAqparat – Qyzylorda oblysynda jol-kólik apatynan úsh adam kóz jumyp, taǵy beseýi zardap shekti, dep habarlaıdy QazAqparat Polisia.kz saıtyna silteme jasap.
Oqıǵa 4 naýryz kúni saǵat 00:30 shamasynda «Qyzylorda-Jalaǵash» tasjolynyń Syrdarııa aýdany, Qaljan Ahýn aýyly tusynda bolǵan. «Vaz-21214» markaly avtokóliktiń júrgizýshisi qarsy baǵytqa shyǵyp ketip, «Opel Vectra»-men soqtyǵysqan.
Saldarynan úsh adam mert boldy, taǵy bes adam zardap shekti. Olar aýdandyq aýrýhanaǵa jetkizildi.
Atalǵan derek boıynsha Qylmystyq kodekstiń 345-baby 4-bóligimen (Abaısyzda eki adamnyń nemese odan da kóp adamnyń ólimine ákep soqqan jol júrisi qaǵıdalaryn buzý) sotqa deıingi tergep-tekserý amaldary júrgizilýde. Qylmystyq is boıynsha barlyq qajetti sot saraptamalary taǵaıyndaldy.
