Qyzylorda oblysyndaǵy 92 mektepte robot tehnıkasy kabınetteri bolady
QYZYLORDA. QazAqparat - Jańa oqý jylynda Qyzylorda oblysynyń Qazaly jáne Jańaqorǵan aýdandarynda jańa mektepter paıdalanýǵa berildi, dep habarlaıdy QazAqparat tilshisi.
Sondaı-aq, jyl sońyna deıin Aral qalasynda 300 oryndyq jáne Qyzylorda qalasynda 600 oryndyq bilim oshaǵy ashylady.
2018-2019 oqý jylynda 154 559 oqýshy, onyń ishinde 18 942-si birinshi synypqa bardy. Jańa oqý jylynyń qarsańynda Qazaly jáne Jańaqorǵan aýdandarynda jańa mektepter paıdalanýǵa berildi, jyl sońyna deıin Aral qalasynda 300 oryndyq jáne Qyzylorda qalasynda 600 oryndyq bilim oshaǵy ashylady.
«Oblystaǵy qalǵan bilim oshaqtarynda aǵymdaǵy jóndeý jumystary júrgizildi. Búgingi tańda oblystyń jalpy bilim berý mektepteriniń 93,1 paıyzy keńjolaqty ınternet jelisine qosylǵan, jyl sońyna deıin qalǵan mektepter tolyǵymen qamtylady. Memlekettik jekemenshik áriptestik sheńberinde bilim uıalaryndaǵy 8096 eskirgen kompıýterdi aýystyrý josparlanýda. Budan basqa, 242 mektep elektrondyq jýrnal «Kúndelik» júıesinde jumysyn bastaıdy», - dedi bilim basqarmasynyń basshysy.
Qazirgi tańda oblystaǵy mektepterdiń 93,1 paıyzy keńjolaqty ınternetke qosylǵan. Sonymen qatar, memlekettik jekemenshik áriptestik negizinde 8096 eski kompıýter jańartylyp, zamanaýı pándik kabınetter jáne 3D zerthanalarymen qamtylatyn bolady.
Aıta keteıik, oblys ortalyǵyndaǵy barlyq balabaqshalarda «Elektrondy balabaqsha» júıesi qosylǵan, basqa da mektepke deıingi mekemeler jańa oqý jylynda qosylady.
Jańa oqý jylynan bastap 3,6,8-synyptar jańartylǵan mazmundaǵy bilim berý boıynsha oqıdy. Qyryq alty ınnovatsııalyq mektepte fızıka, ınformatıka, hımııa jáne bıologııa pánderi aǵylshyn tilinde oqytylady. Oblysta 649 muǵalim aǵylshyn tili kýrsynan ótti.
Sonymen qatar, 156 mektep fızıka, hımııa, bıologııa pánderiniń zamanaýı kabınetterimen jabdyqtalýda, 92 mektep robototehnıka kabınetterimen, 9 oqýshylar saraıy «3D zerthanalarmen» qamtylady. Qalalyq jáne aýyldyq mektepter deńgeıin teńestirý baǵytyndaǵy sharalar aıasynda shaǵyn jınaqtalǵan mektepter Bilim Book keshenimen qamtylady.
