Qyzylorda oblysynda jylýmen jabdyqtaý qyzmetine tarıf tómendedi
Komıtettiń Qyzylorda oblysy boıynsha departamenti «Temirjolsý-Qyzyl-Orda» jaýapkershiligi shekteýli seriktestiginiń 2019 jylǵy tarıftik smetasynyń oryndalýyna taldaý júrgizdi. Onyń barysynda tarıftik smetany oryndaýdy talap etetin «Tabıǵı monopolııalar týraly» zańnyń 26-baby 2-tarmaǵynyń 15-tarmaqshasy saqtamalǵany anyqtaldy.
«Temirjolsý-Qyzyl-Orda» jaýapkershiligi shekteýli seriktestiginiń jylýmen jabdyqtaý qyzmeti boıynsha qaıta qarjylandyrý stavkasyn qosa eseptegendegi negizsiz alynǵan tabysy - 290 700 teńge.
Osylaısha, 2020 jylǵy 1 qarashadan bastap tutynýshylar toptary boıynsha qoldanystaǵy tarıf 0,52 paıyzǵa, atap aıtqanda:
- turǵyndar úshin 1 Gkal-ǵa QQS-syz 2307,0 teńgeden 2295,03 teńgege,
- bıýdjettik mekemeler úshin 1 Gkal-ǵa QQS-syz 5941,85 teńgeden 5911,01 teńgege,
- ózge de tutynýshylar úshin 1 Gkal-ǵa QQS-syz 11875,93 teńgeden 11814,29 teńgege tómendetilip, ýaqytsha ótemdik tarıfter engiziledi.
Sonymen birge, seriktestikke tabıǵı monopolııalar týraly zańnamany buzǵan kemshilikterdi joıý týraly nusqama berildi.
