Qyzylorda oblysynda jyl basynan beri sybaılas jemqorlyq sıpatyndaǵy qylmyspen 91 adam jazaǵa tartyldy
QYZYLORDA. Qyrkúıektiń 24-i. QazAqparat /Jańagúl Serdaly/ - Qyzylorda oblysynda bıylǵy jyldyń osy ýaǵyna deıin sybaılas jemqorlyq sıpatyndaǵy qylmysqa baılanysty 91 adam jazaǵa tartyldy. Bul byltyrǵy jyldyń osy kezeńimen salystyrǵanda,
6 adamǵa artyq. Ústimizdegi jyldyń 8 aıy ishinde osy sıpattaǵy qylmystarmen Qarmaqshy aýdanynda - 19, Jalaǵash aýdanynda 11 adam qulyp astyna alynyp, abaqtyǵa jabylǵan. Osy kórsetkishter atalmysh aýdandarda ótken jylǵa qaraǵanda tıisinshe 9 jáne 6 adamǵa kóbeıgenin baıqatady. Paıyz ólshemimen aıtqanda, mundaı qylmystar Qarmaqshyda - 77,2, Jalaǵashta 83,3 paıyzǵa kóbeıip ketken.
