Qyzylorda oblysynda jyl basynan beri sybaılas jemqorlyq sıpatyndaǵy 56 qylmys ashyldy
QYZYLORDA. Qyrkúıektiń 25-i. QazAqparat /Jańagúl Serdaly/ - Qyzylorda qarjy polıtsııasy departamentiniń basqarma bastyǵy Baqytjan Nııazovtyń málimetinshe, oblysta bıyl jyl basynan beri sybaılas jemqorlyq sıpatyndaǵy 56 qylmystyń beti ashyldy.
Olardyń 8-i para alý bolsa, 2-ýi para berý qylmysy bolyp tirkeldi. Qylmys jasaǵandar qatarynda oblystyq deńgeıdegi 3 qyzmetker anyqtalsa, 27-si aýdandyq jáne aýyldyq deńgeılerde jumys jasaıtyn memlekettik qyzmetkerler bolyp otyr. Osy qylmystardyń saldarynan memleketke 46 mln. teńge kóleminde zalal keltirilgen. Qazirge deıin bul somanyń 9,6 mln. teńgesi memleket paıdasyna óndirildi.
