Qyzylorda oblysynda jyl basynan beri 20 adam sýǵa ketip qaza boldy
QYZYLORDA. QazAqparat - Qyzylorda oblysynda jyl basynan beri 20 adam sýǵa ketip qaza boldy, dep habarlaıdy QazAqparat tilshisi.
Bıyl oblystaǵy sý aıdyndarynda 20 adam qaza boldy.
Onyń 15-i - eresek adam bolsa, 5-i - balalar.
2022 jyldyń osy kezeńimen salystyrǵanda mundaı oqıǵalar 10% azaıǵan. Byltyr atalǵan ýaqytta 22 adam kóz jumdy.
«Sý aıdyndarynda adamdardyń qaza bolýynyń negizgi sebepteri - qaýipsizdik erejelerin óreskel buzý. Atap aıtsaq, azamattar ózen nemese kanaldardyń kez-kelgen, ári zerttelmegen jerlerge sýǵa túsedi. Olardyń arasynda spırttik ishimdik ishkenderi de bar. Sondaı-aq, eresekterdiń baqylaýynsyz balalardyń sý jaǵasyna barýy baıqalyp otyr. Keıbir azamattar sýǵa túsý erejesin bilmeıdi. Endi biri júze almaıdy. Balyq aýlaý kezinde qaýipsizdik sharalaryn saqtamaıtyndar bar», - deıdi oblystyq tótenshe jaǵdaılar departamenti baspasóz qyzmetiniń jetekshisi Aıgúl Nurmanova.
Eske salsaq, budan buryn Qyzylordada sýǵa ketken stýdenttiń denesi úsh kúnnen keıin tabylǵan edi.
