Qyzylorda oblysynda jyl basynan beri 187 adam alaıaqtyq deregimen qolǵa tústi
QYZYLORDA. 12 qarasha. QazAqparat /Jańagúl Serdaly/ - Qyzylorda oblysynda alaıaqtyq baǵytyndaǵy qylmystardyń kóbeıip bara jatqany baıqalady. Bul týraly keshe buqaralyq aqparat quraldary ókilderimen ótkizgen baspasóz konferentsııasynda Oblystyq ishki ister departamentiniń qoǵamdyq qaýipsizdik basqarmasy bastyǵynyń orynbasary Ǵanı Tursekeev málimdedi.
Onyń aıtýynsha, bıyl 9 aıda alaıaqtyq áreketteri úshin 187 adamdy ustaýǵa týra kelgen. Bul derekterdiń 118-i, ıaǵnı 63,1 paıyzy qyz-kelinshekterdiń aralasýymen atqarylǵan. Olardyń da deni bankten az ósimmen kóp mólsherdegi aqsha nesıe alyp berýge ýáde etip, jurttyń aqshalaryn aldap alyp ketkenderden quralady.
