Qyzylorda oblysynda jyl basynan beri 12609 adam koronavırýs juqtyrdy
Qazir óńir koronavırýs ınfektsııasynyń epıdemıologııalyq jaǵdaıyn baǵalaý matrıtsasy boıynsha «qyzyl» aımaqta tur. Qaterli dertke shaldyqqan naýqastar sany shilde jáne tamyz aıyndaǵy 200-den tómendedi.
Oblysta 2020 jyldyń naýryz aıynan búgingi kúnge deıin koronavırýs ınfektsııasyna 16001 adam shaldyqqan.
«Naýqastardyń 79 paıyzy klınıkalyq belgisimen, 21 paıyzy aýrý tasymaldaýshy retinde klınıkalyq belgisinsiz tirkelgen. Byltyr sımptomsyz túri kóp kezdesken bolsa, bıylǵy mýtatsııalanǵan jańa shtamdardyń áserinen qurǵaq jótel, dene qyzýynyń kóterilýi, álsizdik sııaqty klınıkalyq belgisimen anyqtalǵan adamdar kóp», - dedi oblystyq sanıtarııalyq-epıdemıologııalyq baqylaý departamenti basshysynyń orynbasary Álııa Ábdiqaıymova.
Byltyr barlyǵy 3 392 koronavırýs juqtyrý jaǵdaıy anyqtalǵan. Bıyl bul kórsetkish birneshe esege ósip, 12609 adamǵa jetti. Eń joǵary kórsetkish bıylǵy tamyz aıynda tirkeldi. Ol 5 333 jaǵdaıdy quraıdy.
Koronavırýs ınfektsııasy oblystyń barlyq aýdanynda tirkelýde. Ásirese, Qyzylorda qalasy, Jańaqorǵan jáne Syrdarııa aýdandarynda jaǵdaı kúrdeli.
Eske salsaq, Qyzylorda oblysyndaǵy barlyq oqý oryndary «Ashyq» jobasyna qosyldy.