Qyzylorda oblysynda jyl basynan 8 adam sýǵa ketti

QYZYLORDA. QazAqparat – Qyzylorda oblysy Shıeli aýdanyndaǵy kanalǵa 34 jastaǵy er adam sýǵa batyp ketti, dep habarlaıdy QazAqparat tilshisi.

Oqıǵa aýdanǵa qarasty Y.Jaqaev aýyly janyndaǵy sýarmaly kanalda boldy. Bul jónindegi habarlama Qyzylorda oblystyq Tótenshe jaǵdaılar departamentine saǵat 12.30 shamasynda túsken.

«Іzdestirý jumysyna Qyzylorda oblysy tótenshe jaǵdaılar departamentiniń 10 qyzmetkeri, 1 qaıyq jáne 2 tehnıka jumyldyryldy. Saǵat 17.50-de sýǵa ketken azamattyń denesi tabyldy», - dep málim etti Qyzylorda oblystyq Tótenshe jaǵdaılar departamenti Órt sóndirý jáne apattyq-qutqarý jumystary qyzmetiniń baspasóz hatshysy Álııa Erejepova.

Aıta keteıik, jyl basynan oblysta 8 adam sýdan ajal qushty. Onyń bireýi – jasóspirim, ekeýi – bala, qalǵany – eresek azamattar. Byltyr bul jaǵdaıdan barlyǵy 26 adam qaza tapsa, onyń 10-y – bala.

Budan buryn Qyzylordada 10 jasar bala sýǵa aǵyp ketti. Onyń máıiti úsh kúnnen keıin tabyldy.

Sondaı-aq Qyzylordada 17 jastaǵy jasóspirim Syrdarııaǵa batyp ketti.