Qyzylorda oblysynda jyl basynan 2,9 myń adam koronavırýs juqtyrdy
QYZYLORDA. QazAqparat - Qyzylorda oblysynda jyl basynan beri 2 934 adam koronavırýs juqtyrdy, dep habarlaıdy QazAqparat tilshisi.
Olardyń arasynda Qyzylorda qalasynyń 1637 turǵyny bar. Al aýdandar boıynsha atalǵan kezeńde Jańaqorǵanda – 318, Syrdarııada – 216, Qazalyda – 204, Shıelide – 182, Qarmaqshyda – 142, Aralda – 115, Jalaǵashta – 100 naýqas tirkeldi.
2020 jyldan beri óńirde koronavırýs ınfektsııasymen barlyǵy 6 326 naýqas esepke alyndy. Olardyń basym bóligi oblys ortalyǵynda tursa, qalǵandary aýdandar úlesinde.
Eske salsaq, búginde Qyzylorda oblysynda 77 myń adam koronavırýsqa qarsy vaktsına aldy.
Qyzylordada emdeý oryndary koronavırýsqa qarsy vaktsınany aptasyna jeti kún boıy salady. Bul jumystar 29 sáýirden bastap júrgizilýde. Turǵyndar tańǵy saǵat 08.00-den túngi saǵat 00.00-ge deıin ekpe ala alady.
