Qyzylorda oblysynda jyl basynan 1,4 myń adam koronavırýs juqtyrdy
QYZYLORDA. QazAqparat - Qyzylorda oblysynda jyl basynan beri 1451 adam koronavırýs juqtyrdy. Olardyń 799-i sáýir aıynda tirkelgen, dep habarlaıdy QazAqparat tilshisi.
Jalpy, pandemııa bastalǵaly óńirde 4843 adam koronavırýs quryǵyna ilikti. Olardyń 55% aýrý sımptomymen, 45% klınıkalyq belgilersiz anyqtalǵan.
Jyl basynan beri 1451 jaǵdaı anyqtalsa, sonyń basym kópshiligi sáýir aıynyń 19 kúninde tirkelip otyr. Ol 799 adamdy quraıdy. Oblys boıynsha tirkelgen barlyq naýqastyń 61% (2950 adam) Qyzylorda qalasynyń úlesine tıedi. Al aýdandar boıynsha Aralda - 110 jaǵdaı, Qazalyda - 97, Qarmakshyda - 164, Jalaǵashta - 115, Syrdarııada - 193, Shıelide - 295, Jańaqorǵanda - 375 jaǵdaı esepke alynǵan.
Ótken táýlikte koronavırýs ınfektsııasyn juqtyrýdyń 45 jaǵdaıy tirkeldi. Onyń ishinde Qyzylorda qalasynda - 27, Shıelide - 4, Qazalyda - 1, Jańaqorǵanda -1, Qarmaqshyda - 2, Aralda - 3 jáne Syrdarııada - 7 jaǵdaı esepke alyndy.
«Búginde barlyq aýrý oshaqtaryna zalalsyzdandyrý jumystaryn júrgizdik. Naýqastarmen qarym-qatynasta bolǵan 217 adamdy jergilikti emdeý-saýyqtyrý mekemelerimen 14 kúnge medıtsınalyq baqylaýǵa aldyq. Jalpy, barlyǵyńyzǵa belgili, kovıd aýa-tamshy joldary arqyly taralatyndyqtan vırýstyń adamǵa áser etý jyldamdyǵy óte joǵary. Sondyqtan barshańyzdan oıyn-saýyq, otbasylyq, estelik is-sharalaryn ótkizýdi keıinge qaldyrýdy suraımyz. Іndetti óz qolymyzben órshitpeıik», – dedi oblystyq Sanıtarııalyq-epıdemıologııalyq baqylaý departamenti basshysynyń orynbasary Álııa Ábdiqaıymova.
Búgingi kúnge deıin 20 644 adam koronavırýsqa qarsy «Spýtnık-V» vaktsınasynyń 1-komponentin qabyldasa, 2-komponenti 4705 adamǵa salynǵan.
