Qyzylorda oblysynda júrgizýshi eki jasar balany qaǵyp ketti - TJM
ASTANA. Qańtardyń 27-si. QazAqparat - Qyzylorda oblysynda «Mazda» avtokóligin basqarǵan 44 jastaǵy júrgizýshi eki jasar balany qaǵyp ketti,
dep habarlady búgin, qańtardyń 27-si kúni QR TJM-nyń baspasóz qyzmeti.
Jol-kólik oqıǵasy qańtardyń 26-sy kúni Jańaqorǵan aýdany Jańaaryq turǵyn mekeninde oryn aldy. Mashına dóńgeleginiń astyna túsken náreste sol jerde mert boldy.
Vedomstvonyń baspasóz qyzmeti sondaı-aq qańtardyń 26-synan 27-sine qaraǵan túni Mańǵystaý oblysy Túpqaraǵan aýdanynda «Qalamqas-Aqtaý» avtojolynyń 29-shy shaqyrymynda taǵy bir jol-kólik oqıǵasy oryn alǵanyn málim etti. Máselen, «Mıtsýbısı» kóliginiń 50 jastaǵy júrgizýshisiniń mashınasy aýdarylyp, 46 jastaǵy jolaýshy oqıǵa ornynda kóz jumǵan. Júrgizýshi men 32 jastaǵy taǵy bir jolaýshy túrli jaraqattarmen aýrýhanaǵa jetkizildi.
