Qyzylorda oblysynda júk poıyzynan órt shyqty

ASTANA. QazAqparat – «Qazaqstan temir joly» kompanııasy Qyzylorda oblysy aýmaǵynda júk poıyzy lokomotıviniń órtený sebebin anyqtap jatyr, dep habarlaıdy QazAqparat tilshisi.

«Osy jyldyń 16 mamyrynda Qyzylorda-Josaly ýchaskesinde júk poıyzynyń lokomotıvi órtendi. Oqıǵa saldarynan eshkim zardap shekken joq. Órt aýdandyq órtke qarsy qyzmet kúshimen jedel túrde óshirildi», - dep atap ótedi «Qazaqstan temir joly» kompanııasynyń baspasóz qyzmetinen.

Kompanııa málimetinshe, oqıǵa ornyna qosalqy lokomotıv jiberilgen.

Órttiń shyǵý sebepterin anyqtaý jumysy júrip jatyr.