Qyzylorda oblysynda Joldaýdy nasıhattaý jónindegi aqparattyq-nasıhattyq topta eldi mekenderge attanyp ketti
QYZYLORDA. 23 aqpan. QazAqparat /Jańagúl Serdaly/ - Qyzylorda oblysynda Elbasynyń bıylǵy jylǵy halyqqa Joldaýyn nasıhattaýdy júzege asyratyn aqparattyq-nasıhattyq toptar búgin alystaǵy aýyldarǵa attanyp ketti.
Bul toptar bıylǵy jylǵy 9 aqpanda oblys ákiminiń ókimimen qurylǵan edi. Olar 8 aýdandyq, 1 qalalyq toptardan turady. Toptardyń quramynda oblystyq basqarmalar men mekemeler basshylary, joǵary oqý oryndarynyń ókilderi, ardagerler, halyqqa tanymal tulǵalar bar.
Bul aqparattyq-nasıhattyq top músheleri Elbasynyń Joldaýyn asa mańyzdy úsh memlekettik baǵdarlamaǵa oraı bilim berý, densaýlyq saqtaý jáne tilderdi damytý baǵytynda nasıhattaıdy. Sondaı-aq Joldaýda atap kórsetilgenindeı, jumyspen qamtýdyń jańa jobasyn, turǵyn úı-kommýnaldyq sharýashylyqty jańǵyrtý jáne halyqty taza aýyzsýmen qamtamasyz etý baǵdarlamalaryn jasap, qabyldaý joldaryn qarastyrady. Osy saparlarynda topta oblystaǵy 200-ge jýyq eldi mekendi túgel qamtyp shyǵady.
