Qyzylorda oblysynda jolda synyp qalǵan avtobýstan Ózbekstannyń 70 azamaty qutqaryldy
ASTANA. 18 jeltoqsan. QazAqparat - 18 jeltoqsan kúni, túngi saǵat 03.44-te Qyzylorda oblysynyń Jalaǵash aýdanynda
«Shymkent-Samara» avtojolymen qozǵalyp kele jatqan «Mersedes» markaly jolaýshylar avtobýsy synyp qaldy.
QR TJM-nan málim etkendeı, «Órt sóndirý jáne apatty-qutqarý jumystarynyń qyzmeti» memlekettik mekemesiniń kúshimen Ózbekstan-Reseı baǵytynda bel alǵan avtobýstan Ózbekstan Respýblıkasynyń 70 azamaty qutqaryldy. Olar Daldabaı aýylynyń orta mektebine jetkizildi. Qurbandar men zardap shekkender joq.
