Qyzylorda oblysynda jolaýshylar tasymaly qaıta jandandy
Óńirde jolaýshylar tasymaly qaıta jandandy. Oblys aýmaǵyndaǵy 205 eldi meken jolaýshylar tasymalymen qamtamasyz etildi. Al temir jol salasy boıynsha 24 júk poezdiń barlyq reısteri qaıta qalpyna keltirilip, kestege sáıkes júrgizilýde.
Sondaı-aq, «Almaty-Qyzylorda-Almaty» baǵytyndaǵy áýe qatynasy qaıta iske qosyldy. Qazirgi tańda «Qorqyt-ata» áýejaıynan Nur-Sultan jáne Qaraǵandy qalalaryna áýe reısteri kestege sáıkes júrgizilýde.
«Oblys pen aýdan ortalyǵyn qosatyn barlyq baǵyttaǵy jolaýshylar tasymaly men qalaishilik avtobýstar ýaqytyly qyzmet kórsetýde. Óńirdegi epıdemıologııalyq ahýaldyń kúrdelenýine baılanysty barlyq jolaýshylar tasymaly saqtyq sharalarymen qamtamasyz etildi», - dedi oblystyq jolaýshylar kóligi jáne avtomobıl joldary basqarmasynyń basshysy Murat Tleýmbetov.
Eske salsaq, budan buryn Qyzylordada biryńǵaı baılanys ortalyǵyna tótenshe jaǵdaı kezinde 70 myń qońyraý túsken.
