Qyzylorda oblysynda jol jaǵdaıy jaqsara tústi
Qyzylorda oblysynda bıyl jergilikti mańyzy bar avtomobıl joldary men eldi mekender kóshelerin jóndeýge jáne kólik ınfraqurylymyn damytýǵa 13,5 mlrd. teńge bólingen. Sonyń nátıjesinde 277,87 shaqyrym avtomobıl joldary men eldi meken kóshelerin jóndeýden ótkizý josparlanyp otyr.
«Aımaqtaǵy avtomobıl joldary men eldi mekender kóshelerin jóndeýge jáne kólik ınfraqurylymyn damytýǵa bólingen qarjynyń 3,3 mlrd tengesine 18,5 shaqyrym qurylys jáne qaıta jańǵyrtý jumystary júrgiziledi. Al, 8,9 mlrd tenge 259,63 shaqyrym kúrdeli jáne ortasha jóndeý úshin, aǵymdaǵy jóndeý jáne kútip ustaý jumystaryna - 1,1 mlrd. tenge jumsalmaq», - dedi oblys ákiminiń orynbasary S.Súleımenov.
Sonymen qatar 9 jobaǵa jobalaý-smetalyq qujattamalar jáne TEN ázirleýge oblystyq bıýdjetten 175,1 mln. tenge bólinip otyr. 4-kópir salý jáne 3-kópirge kúrdeli jóndeý jumystary júrgiziledi.
Aıta keteıik, 2018 jyldyń qorytyndysymen oblystyq jáne aýdandyq mańyzy bar avtomobıl joldarynyń jaqsy jáne qanaǵattanarlyq ındıkatorlyq kórsetkishi 63,5% jetedi dep kútilýde.
