Qyzylorda oblysynda jol boıynda toqtatylǵan kólikten 42 keli esirtki tárkilendi

QYZYLORDA. QazAqparat – Qyzylorda oblysynda «Qarasora-2022» is-sharasy barysynda patrýldik polıtsııa qyzmetkerleri 40 keliden astam esirtki tasymaldaǵan eki turǵyndy ustady, dep habarlaıdy QazAqparat tilshisi.

«Qarmaqshy aýdany tusynda «Shymkent - Samara» tas jolynyń 1-shaqyrymynda patrýldik polıtsııa rota qyzmetkerleri jol erejesin buzǵan «Toyota Camry» avtokóligin toqtatady. Tekserý barysynda kólikten 10 qapqa salynǵan jasyl tústi zat anyqtalyp, aıǵaq retinde alyndy. Saraptama qorytyndysymen alynǵan ósimdik zat 42 keli 682 gramm keptirilgen marıhýana ekendigi naqtylandy. Avtokólik rólinde bolǵan 45 jastaǵy júrgizýshi jáne 32 jastaǵy jolaýshysy Qyzylorda oblysynyń turǵyndary ekeni anyqtaldy. Kúdiktiler ýaqytsha ustaý abaqtysyna qamaldy», - dep málim etti Qyzylorda oblystyq polıtsııa deparamentinen.

Atalǵan derek boıynsha QR Qylmystyq kodeksiniń 297-baby 3-bóligimen sotqa deıingi tergep-tekserý áreketteri júrgizilip jatyr. Onda esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý jaǵdaıy kórsetilgen.

Eske salsaq, budan buryn Qyzylordada jol boıynda toqtatylǵan kólikten sholaq myltyq pen esirtki tárkilendi.