Qyzylorda oblysynda jeńil kólik tolyǵymen órtenip ketti
QYZYLORDA. QazAqparat - Qyzylorda oblysy Syrdarııa aýdany aýmaǵyndaǵy tas jolda jeńil kólik tolyǵymen órtenip ketti, dep habarlaıdy QazAqparat tilshisi.
Oqıǵa «Qyzylorda-Jalaǵash» tas jolynyń Syrdarııa aýdany aýmaǵyndaǵy bóliginde boldy.
«Órt sóndirý qyzmetinen oqıǵa ornyna 5 qyzmetker 1 birlik avtokólik bardy. Órt sóndirýshiler kúshimen qyzyl jalyn tolyǵymen sóndirildi. Qaza bolǵandar men zardap shekkender joq», - dedi departamentten.
Eske sala ketelik, búgin Qyzylordada polıtseıler órtengen páter ishinde es-tússiz jatqan áıeldi qutqardy.
Órt saǵat túngi 02.55-te oblys ortalyǵyndaǵy «Aqmeshit» shaǵynaýdany №2 úıdiń ekinshi qabatynda bolǵan. Polıtseıler qyzyl jalynǵa oranǵan páter ishinen es-tússiz jatqan 54 jastaǵy azamatshany dereý alyp shyqty.
