Qyzylorda oblysynda jastardyń kitap oqýǵa qyzyǵýshylyǵy arta tústi

QYZYLORDA. QazAqparat - Qyzylorda oblysynda jastardyń kitap oqýǵa qyzyǵýshylyǵyn arttyrýǵa «Kitap qurttary» eriktiler toby úlken úles qosyp keledi. Eriktiler tobynyń qurylǵanyna bıyl úsh jyl toldy, dep habarlaıdy QazAqparat tilshisi.

Eriktiler toby 2019 jylǵy 2 aqpanda Qyzylorda qalasynda óz jumysyn bastady. Alǵashqy ýaqytta volonterler tobynda nebári 7 adam boldy. Qazir olardyń sany 100-ge jetip otyr. Búginde top quramyna Qyzylorda qalasymen qatar Almaty, Nur-Sultan, Aqtóbe qalalarynyń jastary tartyldy. Olardyń jas ereksheligi 15-34 jas aralyǵyn quraıdy.

Biz jastardyń kitap oqýǵa qyzyǵýshylyqtaryn arttyrýǵa nazar aýdaramyz. Osy maqsatta otyrystar kóshpeli túrde ótkiziledi. Qazirge deıin barlyǵy 44 otyrys uıymdastyryldy.

«Eriktiler tobynyń jeke Býkkrossıng sóresi 2019 jylǵy qazan aıynda Jastar ortalyǵy ǵımaratynda ornalastyryldy.

Sol jyly atalǵan ortalyqta «Kospleı party» uıymdastyryldy. Keshke kelgen jastar kitap jáne kınotýyndylardyń keıipkerlerin somdady. Bul shyǵarmashylyq shara jylyna bir ret dástúrli túrde ótetin boldy. 2019 jyly eriktiler toby Qyzylorda oblysynda «Eń úzdik jańa bastama» nomınatsııasymen aımaq basshysynyń dıplomymen marapattaldy», - dedi «Kitap qurttary» klýbynyń negizin qalaýshy.

Osy kúnge deıin kóptegen ıntellektýaldy kvester men saıystar ótkizilip, aıyna bir ret dástúrli túrde «Kitap syıla» aktsııasy uıymdastyrylýda. Aktsııadan jınalǵan kitaptar túrli mekemelerge syılyqqa berildi. Osy ýaqytqa deıin 1 myńǵa jýyq kitap tabystaldy.