Qyzylorda oblysynda jastardyń kásip bastaýyna múmkindik kóp

QYZYLORDA. QazAqparat - Qyzylorda oblysynda jastarǵa jeńildetilgen 2,5 paıyzben 5 mıllıonǵa deıin shaǵyn nesıe berý boıynsha ótinimderdi qaraý maqsatynda konkýrstyq komıssııanyń búgingi kúnge deıin 2 otyrysy ótti, dep habarlaıdy QazAqparat.

Bul bastamaǵa óńir jastarynyń belsendiligi joǵary. Máselen, ótken jıynda 7 joba maquldansa, keshegi otyrysta komıssııa músheleri quny 134,1 mln.teńgeni quraıtyn 29 jobany qaraǵan. Eki otyrysta qaralǵan 36 jobanyń barlyǵy maquldandy.

Memleket basshysy Qasym-Jomart Toqaevtyń tóraǵalyǵymen ótken elimizdiń áleýmettik-ekonomıkalyq damýy jónindegi keńesinde jastardyń kásipkerlik bastamasyna qoldaý kórsetý úshin 40 mıllıard teńge bólingenin aıtqan bolatyn.

Qarajat aımaqtarǵa berildi. Qazir bıznes salasyndaǵy úzdik ıdeıalardy tańdap alý úshin konkýrstar bastaldy. Halyqty, jastardy jumyspen qamtý – Úkimet úshin asa mańyzdy mindet. Ákimder bul jumystyń nátıjelerin turaqty túrde baıandap turýy kerek, - dedi Prezıdent Q.K. Toqaev.

Búginde aımaqta kásip ashamyn, ári qaraı kásibimdi damytamyn degen jastarǵa qoldaý kórsetilýde. Memleketten 2,5 paıyzben beriletin shaǵyn nesıege usynylǵan jobalardyń basym kópshiligi ekonomıka salasyna qatysty. ıAǵnı: quny 52,5 mln. teńgeniń 12 jobasy jylqy sharýashylyǵy, 25,1 mln. teńgeniń 6 jobasy iri qara malǵa, 14,5 mln. teńgeniń 3 jobasy túıe sharýashylyǵyna jáne 29,5 mln. teńgeniń 5 jobasy júk avtokóligin alýǵa, quny 41,3 mln. teńgeniń 9 jobasy qyzmet kórsetýge (jıhaz shyǵarý, stomatologııa, qonaq úı,, kosmetıkalyq qyzmetter jáne t.b.) jáne quny 5 mln.teńgeniń 1 jobasyna qurylys materıaldar óndirisine baǵyttalǵan.

Jalpy barlyq úmitkerlerdiń jasy 35 jastan aspaǵan, kepildikpen qamtamasyz etilgen bolýy kerek.