Qyzylorda oblysynda jastar topqa bólinip tóbelesken
Bul oqıǵany Qarmaqshy aýdandyq polıtsııa bólimi rastady. Ol jaıynda tómendegishe túsinikteme berdi.
«Atalǵan derek QR Qylmystyq kodeksiniń 293-babynyń 2-bóliginiń 1-tarmaǵyna sáıkes sotqa deıingi tergep-tekserýdiń biryńǵaı tizilimine tirkelgen. Tóbeleske qatysqandardyń jeke basy anyqtalyp, aýdandyq polıtsııa bólimine jetkizildi. Qalǵan derekter QR Qylmystyq-protsestik kodeksi 201-babynyń talabyna sáıkes jarııalanýǵa jatpaıdy», - dep málim etti polıtsııa bóliminen.
Toptyq tóbeleske baılanysty aýdan ákimdigi tarapynan kezekten tys keńeıtilgen májilis ótkizilgen.
«Oǵan aýdan ákimi, aýdan prokýrory jáne quzyrly organ qyzmetkerleri, joǵary synyp oqıtyn er balalardyń ata-analary, bilim salasy mamandary qatysty. Aımaq basshysynyń tapsyrmasyna sáıkes aýdan ákimi Jandos Erkinbekulynyń tikeleı qadaǵalaýymen kúsheıtilgen rejımdegi reıdtik jumystar kúndelikti júrgizilýde», - dedi aýdan ákimdiginen.
Eske salsaq, budan buryn mamyr aıynda Qyzylorda qalasynda jappaı tóbeleske qatysqandar ustaldy.
