Qyzylorda oblysynda jańadan 6 sý qoımasy salynady
QYZYLORDA. QazAqparat- Qyzylorda oblysynda tasqyn sýlardy jınaqtaıtyn 6 joba iske asyrylady. Olardyń jalpy syıymdylyǵy 3 mlrd tekshe metrdi quraıdy. Bul týraly jýrnalıstermen kezdesýde óńir basshysynyń orynbasary Serik Qojanııazov málimdedei, dep habarlady QazAqparat tilshisi.
Kezdesýde oblys ákiminiń orynbasary Elbasy Joldaýynan týyndaǵan mindetterdi júzege asyrý jáne ótken jyly atqarylǵan jumystardyń qorytyndysy jaıynda habardar etti.
«Byltyrǵy jyly oblystyń agrarlyq sektoryn memlekettik qoldaýǵa 9,3 mlrd. teńge bólindi. Bul burynǵydan 2,3 paıyzǵa artyq. Aýyl sharýashylyǵynda óndirilgen ónim kólemi 86,1 mlrd teńgege jetti. Salystyrmaly túrde bul sáıkesti kezeńnen 4,1 paıyzǵa artyq», - dedi Serik Qojanııazov.
Sondaı-aq onyń atap ótýinshe, búgingi kúni 159 myń gektar sýarmaly jerdi qalpyna keltirý jáne qoldanýsyz jatqan 29 myń gektar jerdi qaıta aınalymǵa qosý úshin 3 joba engizilýde. Jobanyń jalpy quny 122 mlrd teńgeni quraıdy.
Budan bólek, tasqyn sýlardy jınaqtaý boıynsha Úkimetpen maquldanǵan josparǵa sáıkes, oblys boıynsha jalpy syıymdylyǵy 700 mln tekshe metr bolatyn 3 joba júzege asyrylmaq. Al Agroónerkásip keshenin damytýdyń memlekettik baǵdarlamasy aıasynda jalpy syıymdylyǵy 2,3 mlrd tekshe metrdi quraıtyn taǵy 3 sý qoımasy salynatyn bolady.
Serik Qojanııazovtyń aıtýynsha, ótken jyly oblystyq jáne aýdandyq bıýdjetten bólingen 18,7 mln teńgege ýaqytsha gabıonnan «Qojataı» sý tospasy salyndy. Sonymen birge «Qazsýshar» RMK Qyzylorda fılıaly esebinen 26 mln teńgege «Kartonkombınat» sý tospasyna aǵymdaǵy jóndeý jumystary júrgizildi.
Búginde Soltústik Aral teńiziniń syıymdylyǵy 27 mlrd tekshe metr bolsa, Kókaral sý tospasy salynǵannan keıin, 12 jyl ishinde Syrdarııa ózeni arqyly 30 mlrd tekshe metrden astam sý Úlken teńizge qaıtarymsyz ketti. ıAǵnı, jyl saıyn Úlken Aral teńizine ketetin 2,5 - 3 mlrd tekshe metr sýdyń jartysy (1,5 mlrd tekshe metr) Qaraózek qoımasynda jınalatyn bolady.
