Qyzylorda oblysynda zeınetker belgisiz jaǵdaıda sýǵa batyp ketti

QYZYLORDA. QazAqparat - Qyzylorda oblysy Qazaly aýdanynda 67 jastaǵy azamat belgisiz jaǵdaıda kólge sýǵa batyp ketti, dep habarlaıdy QazAqparat tilshisi.

Oqıǵa búgin, 6 maýsymda jergilikti ýaqytpen saǵat 16.04 shamasynda boldy.

«Qazaly aýdanyna qarasty Tasaryq aýylyna qaraıtyn Laqaly eldi mekeninde turatyn 1955 jylǵy azamat Baltabaı kóline belgisiz jaǵdaıda sýǵa batyp ketken. Onyń denesin aýyl turǵyndary óz kúshimen sýdan alyp shyqqan», - dedi Qyzylorda oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.

Eske salsaq, Qyzylorda oblysynda jyl basynan beri 8 adam sýǵa ketti.