Qyzylorda oblysynda zańsyz qarý alyp júrgen turǵyn ustaldy

QYZYLORDA. QazAqparat - Qyzylorda oblysynda zańsyz qarý alyp júrgen turǵyn anyqtaldy, dep habarlaıdy QazAqparat tilshisi.

Oblys kóleminde «Quqyq tártibi» jedel-profılaktıkalyq is-sharasy ótip jatyr. Atalǵan shara barysynda Jalaǵash aýdandyq polıtsııa bóliminiń qyzmetkerleri zańsyz qarý alyp júrgen turǵyndy ustady.

Polıtseıler aýdanǵa qarasty Aqqolqa eldi mekeninde qarý ustap kele jatqan 40 jastaǵy aýyl turǵynyn toqtatty.

«Tekserý barysynda atalǵan azamattyń ózimen birge ishki ister organynda tirkeýde joq 16 kalıbrli eki uńǵyly «IJ» markaly ańshy myltyǵyn alyp kele jatqany anyqtaldy. Anyqtalǵan derek boıynsha QR Ákimshilik quqyq buzýshylyq kodeksiniń 482-babynyń 1-bóligimen ákimshilik hattama rásimdelip, sotqa joldandy», - dep málim etti Qyzylorda oblystyq polıtsııa departamentinen.