Qyzylorda oblysynda zańsyz qaban aýlaǵan brakonerler ustaldy
QYZYLORDA. QazAqparat - Qyzylorda oblysynda qaban atqan brakonerler ustaldy, dep habarlaıdy QazAqparat Orman sharýashylyǵy jáne janýarlar dúnıesiniń baspasóz qyzmetine silteme jasap.
25 tamyz kúni shamamen saǵat 23:30 kezinde «Ohotzooprom ÓB» RMQK ınspektorlary tabıǵat qorǵaý is-sharalaryn júrgizdi. Onyń barysynda mamandar Qyzylorda oblysy Qarmaqshy aýdany 3-shi Internal aýylynyń egis alqabyndaǵy dalalyq jerde Toıota Lend Krýzer Prado jáne Aýdı 80 markaly avtokólikterin toqtatqan.
Kólikterdi tekserý barysynda júksalǵyshtan qabannyń ushasy, 16 kalıbrli qujatsyz 4 ańshy myltyǵy tabylǵan.
Oqıǵa ornyna Qarmaqshy aýdandyq ishki ister bóliminen jedel top shaqyrtylyp, tergeý áreketteri jasaldy.
Bul fakt boıynsha QR QK 337-baby boıynsha qylmystyq is qozǵaldy.
