Qyzylorda oblysynda veterınarııa salasy mamandaryna avtokólik kiltteri tabystaldy

QYZYLORDA. QazAqparat - El Táýelsizdiginiń 30 jyldyq mereıtoıy qarsańynda Qyzylorda oblysynda veterınarııalyq uıymdarǵa jańa qyzmettik avtokólik kiltteri tabystaldy, dep habarlaıdy QazAqparat tilshisi.

Saltanatty sharaǵa oblys ákimi Gúlshara Ábdiqalyqova qatysyp, kópshilikti aıtýly merekemen quttyqtady. Óńirdiń epızootııalyq ahýalyn saqtaýda jáne tamaq qaýipsizdigin qamtamasyz etýde veterınarııalyq uıymdardyń eńbeginiń orny erekshe ekenin tilge tıek etti.

«Memleket basshysy Qasym-Jomart Toqaev «Halyq birligi jáne júıeli reformalar - el órkendeýiniń berik negizi» atty Joldaýynda veterınarııa salasyn jetildirýge úlken mán berdi. Sondyqtan osy salada júıeli jumystar atqarylýda.

Sebebi veterınarııa qyzmeti qazirgi zaman talabyna saı bolmasa, aýyl sharýashylyǵy ónimderiniń eksportyn arttyrý múmkin emes. Ol aýyldaǵy aǵaıynnyń ál-aýqatyna jáne oblystyń agroónerkásip salasynyń damýyna tikeleı áser etedi.

Veterınarııa salasyndaǵy jumystardy ilgeriletý úshin 2021-2023 jyldarǵa arnalǵan «Jol kartasy» jasaldy. Al, uıymdardy materıaldyq-tehnıkalyq jabdyqtaý maqsatynda bıyl oblystyq bıýdjetten 111 mln teńge qarjy bólinip, nátıjesinde 2013 jyldan beri jańartylmaǵan 15 qyzmettik kólik aýystyryldy. Bul jumystar keler jyly da jalǵasyn tabatyn bolady», -dedi Gúlshara Ábdiqalyqova.

Іs-sharada tapsyrylǵan 15 qyzmettik kóliktiń Aral aýdanyna 4, Qarmaqshy, Jalaǵash, Jańaqorǵan aýdandaryna jáne Qyzylorda qalasyna 2 kólikten, Qazaly, Syrdarııa men Shıeli aýdandaryna 1 avtokólikten jol tartty.

Keler jyly da veterınarııa salasynyń materıaldyq-tehnıkalyq bazasyn nyǵaıtý maqsatynda jergilikti bıýdjetten bólinetin qarjyny arttyrý kózdelip otyr. ıAǵnı, keler jyly 30 avtokólik, 140 kompıýter, 140 dana termochemodan alynbaq.