Qyzylorda oblysynda vaktsınatsııa pýnkteri aptasyna 7 kún jumys isteıdi
QYZYLORDA. QazAqparat - Qyzylordada emdeý oryndary koronavırýsqa qarsy vaktsınany aptasyna jeti kún boıy salatyn boldy, dep habarlaıdy QazAqparat tilshisi.
Bul jumystar 29 sáýirden bastap júrgizilýde. Qaterli indetke qarsy ekpe salý aımaq boıynsha barlyq emhana men egý oryndarynda aptasyna 7 kún boıy úzilissiz júzege asyrylady. Turǵyndar tańǵy saǵat 08.00-den túngi saǵat 00.00-ge deıin vaktsına saldyra alady. Koronavırýs ınfektsııasyna qarsy ekpe saldyrý halyqqa endi kez kelgen ýaqytta qoljetimdi bolmaq.
«2021 jyldyń 29 sáýirinde oblys boıynsha barlyǵy 5024 turǵynǵa koronavırýsqa qarsy ekpe jasaldy. Al 1 aqpan-29 sáýir aralyǵynda qala boıynsha 19113 , aýdandar boıynsha 13655 adam vaktsına saldyrdy. Olardyń jalpy sany 32768 adamdy quraıdy. Ekpe alǵan turǵyndar dárigerler baqylaýynda, densaýlyq jaǵdaılaryna shaǵymy joq», - dep málim etti Qyzylorda oblystyq Іshki saıasat basqarmasynan.
Eske salsaq, 1 aqpannan beri Qyzylorda oblysynda 28 myńǵa jýyq adam koronavırýs vaktsınasyn saldyrǵanyn jazǵan edik.
