Qyzylorda oblysynda úıde oqshaýlaný tártibin buǵan 1,3 myń adam anyqtaldy
Oblysta «Ashyq» júıesi arqyly karantın talabyn buzýshylar der kezinde anyqtalýda. Bul koronavırýsqa baılanysty qaýiptiń aldyn alýǵa óz septigin tıgizip keledi.
Jyl basynan beri atalǵan júıe arqyly oqshaýlaný tártibin saqtamaǵan 150 adam anyqtaldy. Olardyń 135-inde «qyzyl», 15-inde «sary» mártebe bolǵan.
QR Ákimshilik quqyq buzýshylyq týraly kodeksiniń 425-babyna sáıkes karantın talabyn buzǵan 7 adamǵa 300 myńnan teńgeden astam aıyppul salyndy. Al naýqastarmen qarym-qatynasta bolǵan 11 adamǵa oqshaýlaný tártibin saqtaý týraly qaýly shyǵaryldy.
«Karantın talabyn buzý derekteri qoǵamdyq tamaqtaný, saýda obektilerinde, sondaı-aq temirjol vokzaly men áýejaı jolaýshylarynan kóptep anyqtalýda. Degenmen keıingi ýaqytta indetke shaldyqqan naýqastar jáne olarmen baılanysta bolǵan adamdar arasynda oqshaýlaný tártibin buzý jaǵdaılary azaıýda», - dedi oblystyq Sanıtarııalyq-epıdemıologııalyq baqylaý departamentinen.
Vedomstvo málimetinshe, júıe iske qosylǵannan beri «qyzyl» jáne «sary» mártebemen 1 308 tulǵa karantındik oqshaýlaný tártibin buzǵan. Olardyń ishinde PTR-diń oń nátıjesimen 877 naýqas jáne baılanysta bolǵan 435 adam bar.
Eske salsaq, Qyzylorda oblysynda jyl basynan beri 4531 adam koronavırýs juqtyrdy.
