Qyzylorda oblysynda túrmede terrorızmdi nasıhattaǵan adam ustaldy

QYZYLORDA. QazAqparat - Qyzylorda oblysynda dinı alaýyzdyqty týdyrýǵa baǵyttalǵan ýaǵyz taratýmen aınalysqan adam anyqtaldy, dep habarlaıdy QazAqparat tilshisi.

Túrkistan oblysynyń turǵyny Qyzylorda oblysynda túzeý mekemesinde jazasyn ótip jatqan. Bul maqsatta oblystyq Polıtsııa departamentiniń Ekstremızmge qarsy is-qımyl basqarmasy jáne Qyzylorda oblysy boıynsha Qylmystyq-atqarý júıesiniń departamentiniń qyzmetkerleri birlesken is-shara júrgizdi. Nátıjesinde 43 jastaǵy turǵynnyń dinı alaýyzdyqty qozdyrýǵa baǵyttalǵan ýaǵyzdardy taratýmen aınalysyp júrgeni anyqtaldy.

«Atalǵan derek boıynsha sotqa deıingi tergep-tekserý bastalyp, saraptama taǵaıyndaldy. Saraptama qorytyndysyna sáıkes dinı ýaǵyzdardan terrorızmdi nasıhattaý belgileri anyqtaldy.

Kúdiktige qatysty Qazaqstan Respýblıkasy Qylmystyq kodeksiniń 256-babynyń 1-bóligimen (Terrorızmdi nasıhattaý nemese terrorızm aktisin jasaýǵa jarııa túrde shaqyrý) sotqa deıingi tergep-tekserý amaldary bastaldy», - dep málim etti Qyzylorda oblystyq polıtsııa departamentiniń baspasóz qyzmeti.