Qyzylorda oblysynda turǵyndardyń úıinen negizsiz shyǵýyna tyıym salyndy
Bul jóninde Qyzylorda oblysynyń taýarlar men kórsetiletin qyzmetterdiń sapasy men qaýipsizdigin baqylaý departamenti málim etti. Atalǵan tyıym 2020 jylǵy 12 sáýirde sa5at 00.00-den bastap kúshine enedi.
Qyzylorda qalasyna jáne aýdandaryna kólikterdiń kirýine jáne shyǵýyna tyıym salynady. Onyń qataryna azyq-túlik taýarlary, dárilik, medıtsınalyq zattar jáne basqa da turǵyndardyń ómir súrýine qajetti taýarlar men qyzmet túrleri, óndiristik jáne aýyl sharýashylyǵy kásiporyndarynyń úzdiksiz jumys jasaýyn qamtamasyz etýshi, sonymen qatar jergilikti atqarýshy organdarmen bekitilgen tizbeler qosylmaıdy.
«Endi azamattardyń negizsiz turǵyn úıinen shyǵýyna jáne avtokóliktermen júrýine tyıym salyndy. Tek jaqyn radıýsta ornalasqan dárilik zattar, azyq-túlik qajettiligin alýǵa jáne úı qoqystaryn shyǵarýǵa bolady. Bul rette adamdar sany bireýden adamnan aspaýy kerek. Medıtsınalyq kómek boıynsha adamdardyń sany úsheýden artyq bolmaýy tıis. Atap aıtqanda, olardyń qatarynda avtokólik júrgizýshi, naýqas, súıemeldeýshi bar. Sonymen qatar, ishki qoǵamdyq kóliktiń jumysyna úsh aýysymmen saǵat 06.00-09.00, 13.00-15.00, 18.00-20.00 aralyǵynda ruqsat etiledi. Oblys kólemindegi barlyq qurylys jumystary 22 sáýirge deıin toqtatylady. Koronavırýs ınfektsııasyna qarsy kúreske jumyldyrylǵan qyzmetterdi qospaǵanda, menshik túrine qaramastan barlyq nysandaǵy uıymdardyń jumysyn qashyqtyqtan qyzmet kórsetý formatyna barynsha aýystyrý mindetteldi», - dep málim etti vedomstvodan.
Qazir Qyzylorda oblysynda koronavırýs ınfektsııasy dıagnozy qoıylǵan 116 naýqas bar .