Qyzylorda oblysynda turǵyn úıde tabıǵı gazdyń irkilisinen jarylys boldy
Oqıǵa 19 qazanda saǵat 22:44-te Qazaly qalasyndaǵy Altynsarın kóshesiniń boıyndaǵy jeke turǵyn úıdiń kireberis bóliginde tirkelgen. Ol tabıǵı gazdyń aǵýy saldarynan órtsiz jáne buzylýsyz bolǵan.
«Oqıǵa saldarynan eki adamdy kúıik shaldy. 1989 jylǵy azamattyń basy men oń qoly kúıip qalǵan. Al, 1987 jylǵy azamattyń basy, qoly men denesi kúıikten jaraqattandy. Jaraqat alǵan azamattar jedel járdem mamandaryna tapsyrylyp, aýrýhanaǵa jetkizildi», - dedi Qyzylorda oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.
Vedomstvo málimetinshe, oqıǵa ornyna tótenshe jaǵdaılar departamentinen 4 qyzmetker jáne 1 tehnıka bardy.
Eske salsaq, budan buryn Qyzylorda qalasynda jolaýshylar avtobýsy tolyǵymen janyp ketti.
