Qyzylorda oblysynda týberkýlezge shaldyǵý jaǵdaılary azaıdy
QYZYLORDA. QazAqparat - Qyzylorda oblysynda bıyl týberkýlezden kóz jumý jaǵdaılary 35,3 paıyzǵa azaıdy. Olardyń arasynda balalar men jasóspirimder joq, dep habarlaıdy QazAqparat tilshisi.
Bıyl jyl basynan beri oblys kóleminde týberkýlezdiń 310 jańa jaǵdaıy tirkelgen. Bul, 2019 jyldyń osy kezeńimen salystyrǵanda 18,3 paıyzǵa tómendegenin kórsetip otyr. Іndetten kóz jumý deńgeıi de 35,3 paıyzǵa azaıǵan. Onyń ishinde balalar men jasóspirimder arasynda birde-bir oqıǵa tirkelmegen.
«Esepti merzimde týberkýlez aýrýyna qarsy 17 245 sábıge vaktsınatsııa jáne 9131 revaktsınatsııa júrgizildi. Osylaısha barlyǵy 26 376 balaǵa egý jumystary atqaryldy. Egýden keıingi asqyný jaǵdaıy tirkelgen joq. Jyl basynan flıýrografııalyq tekserýmen oblys turǵyndarynyń 96,8 protsenti qamtylǵan.
Sanıtarııalyq mamandar tarapynan týberkýlezge qarsy ekpeniń mańyzdylyǵy jáne týberkýlezdi aldyn alý boıynsha aǵartý jumystary úzdiksiz júrgizilýde», - dep málim etti Qyzylorda oblysynyń Sanıtarııalyq-epıdemıologııalyq baqylaý departamentinen.
