Qyzylorda oblysynda tótenshe jaǵdaıdan qaza tapqandar sany 37% azaıdy
ASTANA. QazAqparat - Qyzylorda oblysynda tótenshe jaǵdaılar kezinde qaza tapqandardyń sany 37%-ǵa azaıdy. Bul týraly Tótenshe jaǵdaılar mınıstri Qyzylorda oblysynyń halqymen kezdesý barysynda málim etti, dep habarlaıdy QazAqparat.
«Tótenshe jaǵdaılar kezinde adam óliminiń azaıǵany Mınıstrliktiń basty kórsetkishi bolyp tabylady. Máselen, bıylǵy 10 aıda oblys boıynsha qaza tapqandar sany 37% - ǵa azaıdy. Bul rette tórt júzden astam tótenshe jaǵdaı tirkeldi», - dep habarlady mınıstrliktiń baspasóz qyzmeti.
Tótenshe jaǵdaılardyń negizgi úlesi tehnogendik sıpatta bolady, bul turǵyn úı sektoryndaǵy jáne kóliktegi órtter, al sýyq túsýine baılanysty bul kórsetkish artady. Ózderińiz biletindeı, 1 qazannan bastap elimizde jylytý kezeńi bastaldy.
