Qyzylorda oblysynda tótenshe jaǵdaı rejımin buzǵan 44 adamǵa aıyppul salyndy
Óńirde tótenshe jaǵdaı rejımin buzýdyń 244 quqyq buzýshylyq deregi tirkeldi. Sot sheshimimen 21 adamǵa eskertý berilse, 44-ne aıyppul salyndy. Qazir 159-i ákimshilik qamaýǵa alyndy, 20 ákimshilik is sotta qaralýda.
«Al «Qazaqstan Respýblıkasynyń beıbit jınalystardy uıymdastyrý jáne ótkizý tártibi týraly» zańnamasyn buzýdyń 127 deregi anyqtalyp, 13 quqyq buzýshyǵa eskertý, 11-ne aıyppul, 92-ne ákimshilik qamaýǵa alý túrindegi tártiptik sharalar taǵaıyndaldy, 11 ákimshilik is sotta qaralýda. Arnaıy jedel-tergeý toby qurylyp, búlikke qatysqan 96 adamnyń ústinen 53 qylmystyq is qozǵalyp, kúdiktiler ýaqytsha ustaý abaqtysyna qamaýǵa alyndy», - dep málim etti Qyzylorda oblystyq Polıtsııa departamentinen.
Eske salsaq, budan buryn Baıqońyrda arandatýshylyq sıpattaǵy jalǵan aqparat taratqan adam anyqtaldy.
