Qyzylorda oblysynda tıtan óndiretin kombınat salynbaq

QYZYLORDA. QazAqparat- Qyzylorda oblysynyń Aral aýdanynda tıtan óndiretin kombınat salynady, dep habarlaıdy QazAqparat tilshisi.

Óńir úshin erekshe joba respýblıkalyq Indýstrııalandyrý kartasyna engizilgen. Búginde óndiristik nysannyń tehnıka ekonomıkalyq negizdemesi jasalyp qoıyldy. Joba quny 3,4 mıllıard teńgeni quraıdy. Qazaqstan damý banki men jergilikti ınvestor birigip qarjylandyratyn kombınat qurylysyn kelesi jyly bastaý josparlanýda. Óndiriske qajet shıkizat Aqespe eldi mekeniniń mańynan alynady. Tıtannyń negizgi bóligi ǵarysh salasynda jáne hımııalyq, bıomedıtsınalyq, zergerlik ónerkásipte keńinen qoldanylady. Bul týraly Aral aýdanynyń ákimi Muhtar Orazbaev jýrnalıstermen kezdesý barysynda aıtty.

«Óndiriske qajetti shıkizatty jergilikti jerden alý qarastyrylýda. Aral óńirinde ashylmaǵan áli de elementter kóp. Jalpy aıtqanda, Mendeleevtiń barlyq elementteri osy Aral óńirinen tabylady dep oılaımyz, - deıdi aýdan basshysy.

Qazir jer qyrtystaryna zertteý jumystary júrip jatyr.