Qyzylorda oblysynda terrorızmge qarsy jattyǵýlar ótti
QYZYLORDA. 30 qarasha. QazAqparat - Qyzylorda oblysy jáne Baıqońyr qalasy boıynsha «Qyzylorda sý júıesi» memlekettik kommýnaldyq kásiporyny sý jınaý torabynda terrorıstik is-áreketke qarsy Ulttyq qaýipsizdik komıteti departamentteri uıymdastyrýymen jedel-taktıkalyq jattyǵý ótkizildi.
Jattyǵýdyń maqsaty - oblys aýmaǵynda terrorızmge qarsy operatsııalardy ótkizý jónindegi operatıvtik shtabtyń órt sóndirý jáne avarııalyq-qutqarý tobyn dabyl boıynsha kóterilýin jáne shartty jerge ýaqytyly jınalýyn tekserý boldy.
Jattyǵý barysynda qulaqtandyrý júıesi, órt sóndirý jáne avarııalyq-qutqarý jumystary tobynyń kezekshi quramdarynyń «Qyzylorda sý júıesi» MKK sý jınaý torabyna jedel jetýi jáne daıyndyqqa keltirý josparlary, oblystyq operatıvtik shtabtyń «Terrorızmge qarsy operatsııany ótkizý jónindegi Qyzylorda oblystyq jedel shtab týraly Erejesi jáne onyń quramyn bekitý týraly» birikken buıryǵyna sáıkes áreket jasaý barysy tekserildi.
Ulttyq qaýipsizdik komıtetiniń Qyzylorda oblysy jáne Baıqońyr qalasy boıynsha departamenti, TJD, ІІD birge áreket jasaý úshin jedel shtab qurdy.
Jattyǵýǵa «ÓSjAQJQ» MM, QR TJM «Ońtústik óńirlik aeromobıldik jedel-qutqarý jasaǵy» MM, «MAO» MM 41 qutqarýshy, órt sóndirýshi, medıtsınalyq qyzmetker jáne 9 birlik tehnıkadan qurylǵan toptar jumyldyryldy.
Jattyǵý sońynda Ulttyq qaýipsizdik komıtetiniń Qyzylorda oblysy boıynsha departamentiniń basshysy TJD quramyna osy jattyǵýǵa belsene atsalysqany úshin alǵysyn bildirdi.
