Qyzylorda oblysynda tas jolda kólik órtenip ketti
QYZYLORDA. QazAqparat - Qyzylorda oblysy Shıeli aýdany Tartoǵaı eldi mekeni tusyndaǵy «Shymkent-Samara» tas jolynyń boıynda «Chevrolet Lacetti» jeńil avtokóligi janyp ketti, dep habarlaıdy QazAqparat tilshisi.
Avtokólik Reseıden Ózbekstanǵa baǵyt alyp bara jatqan. Oqıǵa ornyna Tartoǵaı órt sóndirý beketiniń 4 mamany órt sóndirý kóligimen dereý jetti.
«Órt sóndirýshiler jyldam áreket etip, naqty is-qımyl atqardy. Nátıjesinde órt oqshaýlanyp, 19 saǵat 59 mınýtta tolyǵymen sóndirildi. Órt saldarynan zardap shekkender men qaza bolǵandar joq», - dep málim etti Qyzylorda oblysy tótenshe jaǵdaılar departamenti órt sóndirý jáne avarııalyq qutqarý qyzmetiniń baspasóz mamany Álııa Erejepova