Qyzylorda oblysynda tarıhı eskertkishterdiń 3D-kartasy jasaldy

QYZYLORDA. QazAqparat - Qyzylorda oblysynyń tarıhı-mádenı eskertkishteriniń 3 D-kartasy ázirlenedi. Bul jóninde oblystyq mádenıet, arhıvter jáne qujattama basqarmasynyń basshysy Mıra Ábýova málim etti, dep habarlaıdy QazAqparat tilshisi.

Bul joba «Tsıfrlyq Qazaqstan» memlekettik baǵdarlamasy jáne «Qazaqstannyń kıeli jerleriniń geografııasy» jobasy aıasynda qolǵa alynady. Interaktıvti karta negizinde Syr óńirindegi respýblıkalyq jáne jergilikti mańyzy bar 150 eskertkishti qamtylady. Ol ústimizdegi jyldyń 1 qarashasyna deıin jasaqtalady.

«Alǵashqy kezekte oǵan ıÝNESKO-nyń aldyn ala tizimindegi jáne respýblıkalyq, jergilikti mańyzy bar eskertkishterdi engizý josparlanyp otyr. Osy maqsatta dalalyq zertteýler jasalady. Árbir nysan jaıynda arhıvtik derekter men ańyz-áńgimeler jınaqtalady. Innovatsııalyq ádister men kompıýterlik baǵdarlamalardyń kómegimen eskertkishtiń tolyq vırtýaldy modeli qalyptasady. Osynyń nátıjesinde árbir nysan týraly 3 tilde tolyq aqparat arnaıy saıtta ornalastyrylady», -dedi Mıra Ábýova.

Mamandardyń aıtýynsha, búginde Syr óńirinde 286 eskertkish bar. Olardyń ishinde 30-y respýblıkalyq, 256-i jergilikti mańyzy bar eskertkishter bolyp tabylady. Olardyń barlyǵy memleket qorǵaýyna alynǵan.

Ádiljan Úmbet