Qyzylorda oblysynda tamyz aıy da ystyq bolǵaly tur
QYZYLORDA. 8 tamyz. QazAqparat /Jańagúl Serdaly/ - Qyzylorda oblysynda tamyz aıynda da aptap ystyqtyń basylmaıtyn túri bar. Muny «Qazgıdromet» RMK «Qyzylorda gıdrometeorologııa ortalyǵy» enshiles memlekettik kommýnaldyq kásipornynyń bastyǵy Janat Ábzálıeva málimdedi.
Mamannyń aıtýynsha, tamyz aıynyń birinshi onkúndiginde aýa raıynyń ystyǵy qaıtadan kóteriledi. Kúndiz ol 35-40 gradýstan túspese, túnde azdap sýytyp, 20-25 gradýs aralyǵynda qubylady. Munyń esesine Tselsıı ekinshi onkúndikte 9-12 gradýsqa deıin tómendeıdi. Bastapqyda kúndiz 28-33 gradýs bolsa, túnde 15-20 gradýsqa barady. Biraq sodan keıin aýa qyzýy qaıtadan kóteriledi. Ekinshi onkúndiktiń aıaǵynda oblys aýmaǵynda kúndiz 35-40 gradýstyq ystyq bastalady. Al sońǵy onkúndiktiń basynda osy deńgeı ustalyp turǵanymen, birtindep azaıa túsedi. Ol kúndiz 30-35 gradýsqa turaqtaıdy.
