Qyzylorda oblysynda tamponajdy tsement zaýyty iske qosyldy
ASTANA. QazAqparat - Memleket basshysynyń qatysýymen ótken «Indýstrııalandyrýdyń ekinshi besjyldyǵy. Qazaqstanda jasalǵan» jalpyulttyq telekópir barysynda Qyzylorda oblysynda qýattylyǵy jylyna 1 mln tonna bolatyn tsement zaýyt iske qosyldy. Bul týraly QazAqparat ákimdiktiń baspasóz qyzmetine silteme jasap habarlaıdy.
Tikeleı baılanys arqyly «Gejýba Shıeli Tsement kompanııasy» JShS bas dırektory Lı Tszıntsın Elbasyna tamponajdy tsement shyǵaratyn zaýyt qurylysynyń aıaqtalǵanyn baıandady. Esterińizge sala keteıik, ótken jyly telekópir aıasynda kásiporyn qurylysy bastalǵan bolatyn.
«Bizdiń kásiporyn Qazaqstanda qalyptasqan qolaıly ınvestıtsııalyq ahýaldyń jemisi. Búkil álem ınvestıtsııalar men tehnologııalardy tartý jolyndaǵy Sizdiń eńbegińizdi jaqsy biledi. Bizdiń joba Qazaqstan-Qytaı seriktestiginiń nátıjesi»- dedi Lı Tszıntsın myrza.
Memleket basshysy kásiporyn jumysyna tabys tiledi.
Esterińizge salaıyq, zaýyt jylyna 1 mln tonna tsement óndiredi. Nysanda 260 jańa jumys orny ashyldy. Jergilikti turǵyndardy jumysqa ornalastyrý maqsatynda Qytaı elindegi zaýytta 48 adam arnaıy oqýdan ótti. Sondaı-aq, qytaılyq ınvestorlar Shıeli ındýstrıaldy-agrarlyq kolledjiniń bazasynda jergilikti jastar arasynan 80 maman daıarlaýda.
Zaýyt ónimi - tamponajdy tsement qurylys, munaı-gaz jáne ýran ónerkásibinde keńinen qoldanylady.
