Qyzylorda oblysynda tabıǵatqa zalal keltirgenderden 1 mlrd. 207 mln. teńge óndirildi
QYZYLORDA. 8 aqpan. QazAqparat - Qyzylorda oblystyq prokýratýrasy 2012 jyly qorshaǵan orta men tabıǵattan zalal keltirgenderden 1 mlrd. 207 mln. teńge óndirip, memleket bıýdjetine quıdy.
Bul týraly oblystyq prokýratýra basshylary ótkizgen brıfıngte aıtyldy.
Prokýratýra jyl ishinde qorshaǵan ortany qorǵaý, jer qoınaýy men jer qoınaýyn paıdalaný týraly zańdardyń qoldanylýyn qadaǵalaý barysynda birshama jumystar atqardy. Sonyń nátıjesinde 44 tekserý uıymdastyrylyp, olar boıynsha 71 usynys, 5 narazylyq engizildi. 7 aktiniń kúshi joıylyp, 52 adam ákimshilik, 44 tulǵa tártiptik jaýapkershilikke tartyldy. Tabıǵatqa zııan keltirgenderden 1 mlrd. 207 mln. teńge óndirildi. Al sonyń aldyndaǵy jyly bul mólsher 193,8 mln. teńge bolǵan edi.
Budan bólek, qorshaǵan ortaǵa keltirilgen zalaldy óndirý maqsatynda sotqa 1 040 358 teńgege 5 talap-aryz berilip, olardyń barlyǵy tolyǵymen qanaǵattandyryldy.
